«Барселона» собиқ ярим ҳимоячиси, ҳозирда Қатарнинг «Ас-Садд» клуби бош мураббийи Хави Эрнандес каталон клубини кучайтира олаган футболчилар номини санаб ўтди.
«Жамоанинг кўплаб футболчилари менга кучли кўринмоқда. Мен учун дунёдаги энг яхши дарвозабондан бошлаб, Хорди Альба, жаҳондаги энг яхши чап қанот ҳимоячиси, Пике, энг яхши марказий ҳимоячи. Бускетс, энг яхши таянч ярим ҳимоячиси ва Месси — дунёнинг энг яхши ўйинчиси. Луис Суарес, Френки де Йонг ва Артурни қўшадиган бўлсак, менимча, улар «Барселона»да яна ўн йил ҳаракат қила олади.
Клуб базаси жуда яхши. Мен жамоа қанотларини кучайтирган бўлардим. Масалан, Неймар билан. Ижтимоий томондан қараганда у тўғри келиш, келмаслигини билмайман, бироқ футбол борасида олиб қарасак, у ажойиб трансфер бўлишига ишонаман. «Барселона»нинг ортки чизиғида ўйин бор, аммо уларга «Бавария»даги каби қанотлар етишмаяпти. Жамоага кўплаб янги ўйинчилар шарт эмас. Балки, Жейдон Санчо ва Серж Гнабри каби футболчилар ҳам зарар қилмас...», — дейди Хави.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)