КХДР 29 март куни йирик калибрли кўп зарядли ракета қурилмасини синовдан ўтказди. «РБК»нинг ёзишича, бу ҳақда Шимолий Корея ОАВларига таяниб, Yonhap агентлиги хабар бермоқда.
Қайд этилишича, синов муваффақиятли ўтган. Учириш Канвондо провинциясидаги Вонсан маъмурий марказидан амалга оширилган. Амалиёт қурилманинг стратегик ва техник хусусиятларини текшириш мақсадида амалга оширилган.
21 март куни КХДР Пхенан-Пукто провинциясидан қисқа масофага учувчи иккита баллистик ракетасини Япон денгизи томон учирганди.
Синовда КХДР етакчиси Ким Чен Ин иштирок этган. Ушбу синов йил бошидан бери ўтказилган синовларнинг учинчиси бўлди. Биринчи ракета синови 2 март куни ўтказилганди.
9 март куни Жанубий Корея ҳарбийлари КХДР ҳарбий машқлар доирасида Япон денгизи томон учта ракета учирганини маълум қилган эди. Уларнинг энг узоқ масофаси 200 километрдан, учиш баландлиги эса 50 километрдан ошмаган.
Изоҳ (0)