Россия Urals нефтининг денгиз партиялари нархи Шимоли-ғарбий Европа учун CIF етказиб бериш шартларида (Роттердам порти орқали) 27 март, жума куни баррель учун 16,2 долларгача пастлади. Бу ҳақда Argus Media нарх-наво агентлиги хабар қилган.
Агентлик маълумотларига кўра, бу Россия нефтининг 1999 йилдан бери кузатилган энг минимал даражаси ҳисобланади. XXI асрда Россия нефти бу қадар арзон нархланмаганди.
Ўтган ҳафтада Россия нефти Шимоли-ғарбий Европада баррель учун 5,51 долларга арзонлашган.
Шимолий денгиздаги (Argus North Sea Dated, шимолий денгиз енгил нефти нархини ифодаловчи эталон) Urals маркасига нисбатан чегирма баррель учун 4,75 долларга арзонлашган (CIF Роттердам) — бу 2008 йилдан бери кузатилган максимал узоқлашув.
Urals партияларининг Ўрта Ер денгизи орқали етказиб берилиши бир ҳафта ичида баррель учун 4,26 долларга арзонлашиб, баррель учун 18,45 долларга тенг бўлди (CIF, Аугуста порти, Италия). Ушбу асосда бу 2002 йилдан бери кузатилган энг минимал нарх, дея қайд этган Аргус.
CIF етказиб бериш шартларида нефтни келишилган портгача элтиб бериш, юк суғуртаси бўйича мажбуриятларни сотувчи томон ўз зиммасига олади.
Refinitiv маълумотларига кўра, Urals маркасидаги нефтнинг энг арзон нархланиши 1999 йил февраль ойида кузатилган — баррель учун 8,87 доллар.
Нефтни етказиб бериш ҳисобга олинганда нархлар 14,5 долларгача тушиб кетган.FOB етказиб бериш шартларига кўра яъни бунда сотувчи томон юкни етказиб бериш, портдан тушириш, юк қиймати ва импорт расмийлаштируви ҳаражатларини ўз зиммасига олиши билан ҳисоблаганда Urals нархи яна ҳам пастлаган:
FOB базисидаги барча котировкалар 2005 йилдан бери минимумга тушиб қолган
Urals’нинг денгиз партиялари нархи бир ҳафта ичида Россия портларидан апрелда мартдагига нисбатан 13 фоизга кўпроқ нефть жўнатилиши сабаб арзонлашган. Етказиб бериш кўрсаткичи Россия нефтни қайта ишлаш заводларидаги таъмирлаш ишлари сабаб, шунингдек, ОПЕК+ келишуви муддати тугаши сабаб ўсиши мумкин.
«Бозор иштирокчилари нефтни қайта ишлаш қисқаргани сабаб паст нархлар узоқ давр мобайнида ўзгармай туришини тахмин қилмоқда. Кўплаб нефть маҳсулотларига талаб коронавирус пандемияси туфайли кузатилган жаҳон иқтисодий фаоллигининг пасайиши оқибатида камайган. ОПЕК+ келишуви муддатининг тугаши вазиятни янада оғирлаштирди», — дейилади Аргус маълумотида.
Bloomberg нашри нефть бозорида талабнинг кескин камайгани ҳақида ёзганди. Қуруқликдаги нефть сақлаш жойлари тўлиб-тошган, оқибатда трейдерлар нефтни денгиздаги супертанкерларда сақлашга мажбур бўлаётгани; маҳсулотга талаб йўқлиги сабаб нефтни қайта ишлаш заводлари ишини вақтинча тўхтатгани ҳақида ёзганди. Кўплаб ҳудудларда нефть баррель учун доллардан арзонроққа, айрим изоляция қилинган ерларда эса ундан-да ёмонроқ нархлар кузатилмоқда, сотувчилар нефтни сотиш учун қўшимча пул тўлашига тўғри келмоқда. 2020 йил апрель ойида нефтга бутун дунёда бўлган талаб 20 фоизга тушиб, 2019 йилдаги кўрсаткичдан ҳам пастроқ даражада бўлиши прогноз қилинмоқда.
Россия банки Urals нархини баррель учун 25 долларга баҳолаган, Россия Марказий банки рублни қўллаб-қувватлаш учун валютани ўз захиралари ҳисобидан қўшимча интервенция қилиши мумкин.
Изоҳ (0)