Португалиялик ўсмир COVID-19 коронавируси оқибатида вафот этди. Бу ҳақда мамлакат соғлиқни сақлаш вазири Марта Темидога таяниб, «РИА Новости» хабар берди.
29 март ҳолатига кўра, бутун мамлакат бўйлаб қарийб 6 минг кишида коронавирус аниқланган, уларнинг 119 нафари вафот этган (ўтган куннинг ўзида — 19 киши).
Вазирнинг тушунтиришича, 14 ёшли ўсмир Овар шаҳрида яшаган, у иммунитет танқислиги синдромидан азият чекиб келган. Бу борада батафсил маълумотлар келтирилмаган.
Мавзуга доир: Грузияда биринчи бор ўсмир йигитда коронавирус аниқланди
Эслатиб ўтамиз, Ўзбекистонда коронавирус билан касалланганлар сони 145 кишига етди. Республика махсус комиссияси томонидан шахсий транспортдан фойдаланишга чеклов ўрнатилди. Ҳуқуқбузар фуқароларга нисбатан Маъмурий жавобгарлик тўғрисидаги кодекснинг 54-моддаси асосида жарима қўлланилмоқда.
Изоҳ (0)