Peugeot раҳбари Жан-Филипп Импарато купе ва кабриолетларни ишлаб чиқариш нима сабабдан камайиб кетганини сўзлаб берди, деб хабар қилади Motor. Француз фирмаси раҳбарининг айтишича, икки эшикли версияни ишлаб чиқариш инвестиция талаб қилади, бугунги кунда эса автомобиль ишлаб чиқарувчилар электрокарларга, учувчисиз учиш қурилмалари ва 5G алоқа тармоғи технологияларига маблағ йўналтиришни маъқул кўрмоқда.
Британиянинг Autocar журналига берган интервьюсида Импарато купе ва кабиролет кузовли автомобилларни яхши кўришини, бироқ эркин маблағлар йўқлиги автоконцерн эгаларини нимадандир воз кечишга мажбур қилаётганини таъкидлаган.
Купе/кабиролет оиласига мансуб автомобилларни яратиш кўп маблағ ва ресурс талаб қилади, шу сабабли икки эшикли «драйверлар»га маблағ тикиш иқтисодий жиҳатдан ўзини оқламайди. Бу эса Volskwagen ва Mercedes-Benz каби йирик автомобиль ишлаб чиқарувчиларини ҳам купе кузовли машиналардан воз кечишга мажбур қилади.
Шу билан бирга, икки эшикли кузовлар яна модага айланадиган бўлса, купе ва кабриолетлар сонининг камайиши қайта кўриб чиқилиши мумкин. Агар автомобиль бозорида Mustang’нинг замонавий муқобиллигига ўхшаш бестселлер-модель пайдо бўлса, бу купе ва кабриолетларнинг қайта урфга кириши йўлида самарали катализатор вазифасини ўтайди.
Изоҳ (0)