Shavkat Mirziyoyevning to‘ng‘ich nevarasi Miromon 15 yoshga to‘ldi

28-mart kuni Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyevaning o‘g‘li Miromon 15 yoshga to‘ldi. Shu munosabat bilan Shavkat Mirziyoyevning kenja kuyovi, O‘zbekiston MMA assotsiatsiyasi, Triatlon federatsiyasi raisi, O‘rta Osiyo MMA konfederatsiyasi rahbari Otabek Umarov Instagram’dagi sahifasida Miromonga atalgan tabrik so‘zini yozib qoldirdi.

“15 yosh — inson hayotidagi ajoyib va juda muhim bosqichlardan biridir, bu xuddi kattalarnikidek birinchi yubiley. Jonim ukajonim Miromon, ushbu bahor kunida senga yorug‘ umidlar, yangi g‘oyalar va haqiqiy do‘stlikni tilayman. Faqat oldinga intilgin, g‘alaba qozon, ota-onangning baxt-u quvonchi, tayanchi bo‘lgin. Bizning butun oilamiz sen bilan va sening birinchi muvaffaqiyatlaring bilan faxrlanadi. Kelgusida bundan ham katta natijalarga erishgin, barcha orzularing ro‘yobga chiqsin! Tug‘ilgan kuning muborak bo‘lsin!”, — deb yozadi Otabek Umarov.

https://www.instagram.com/p/B-SU2ysJ7we/

Avvalroq Otabek Umarov O‘zbekistonga ijtimoiy yordam jo‘natgan BAA hukumatiga minnatdorlik bildirgan edi.

Otabek Umarov Prezident oilasining ijtimoiy tarmoqlardagi eng faol vakili bo‘lib, 4-dekabr kuni Instagram’dagi sahifasida qaynonasi Ziroatxon Mirziyoyevani, bojasi Oybek Tursunovni 24-noyabr kuni tavallud kuni bilan tabriklagan edi (to‘ng‘ich kuyov necha yoshga to‘lgani ma’lum emas). Avvalroq 4-noyabr kuni Otabek Umarov bojasining rafiqasi Saida Mirziyoyevani, 8-avgust kuni o‘z rafiqasi Shahnoza Mirziyoyevani, 1-avgustda o‘z onasini tavallud kunlari bilan qutlagan edi. 28-oktabrda esa oila qurganliklariga 12 yil to‘lgani munosabati bilan Otabek Umarov va Shahnoza Mirziyoyeva bir-birlarini tabriklashgan edi (Otabek Umarov 25-yanvar kuni o‘rtancha qizi Mehrixonni 10 yoshga to‘lgani munosabati bilan, 17-sentabrda to‘ng‘ich qizi Ma’rifatxonni 11 yoshga to‘lgani bilan, 29-oktabrda esa kenja qizi Raniyani ham tug‘ilgan bilan kuni tabriklagan).