Ҳабиб Нурмагомедов 29 март, якшанба куни Россияни тарк этишга мажбур бўлиши мумкин.
Россия ҳукумати қарорига кўра, коронавирус сабаб 30 март соат 00:01 дан бошлаб мамлакатда автомобиль, темир йўл, пиёдалар, сув йўли ва бошқа ҳаракатлар вақтинча чекланади. 27 мартдан халқаро авиақатновлар тўхтатилганди.
Бу эса UFC енгил вазн тоифаси чемпиони Ҳабиб Нурмагомедов Тони Фергюсонга қарши жангда иштирок этиш учун бугун мамлакатдан чиқиб кетиши кераклигини англатади. Аввалроқ Ҳабиб ва унинг жамоаси АҚШдаги машғулот зали ёпиб қўйилгач, Россия қайтишга мажбур бўлганди.
Ҳабиб ва Фергюсон ўртасидаги жанг 18 апрель кунига мўлжалланган. Жанг қаерда бўлиб ўтиши ҳали номаълум.
Россияда 29 март ҳолатига коронавирус юқтириб олганлар сони 1500 дан ошиб кетди. Саккиз киши вирус оқибатида вафот этган.
Изоҳ (0)