«Ювентус» футболчилари йиллик маошнинг камайишига розилик берди. Бу ҳақда туринликлар расмий сайтида маълум қилинди.
Жамоа аъзолари 2020 йилнинг март, апрель, май ва июнь ойларидаги маошни олмайди. Ўз навбатида клуб мавсум давом эттириладиган бўлса, маошларни кўпайтиришни вада қилган.
«Яқин ҳафта ичида футболчи ва мураббийлар билан шахсий келишувлар имзоланади. Мазкур келишувлар «Ювентус»га 90 миллион евро тежаб қолишга имкон яратади. Агар жорий мавсум давом эттириладиган бўлса, клуб шунга мос равишда маошларни кўтаради. «Ювентус» барча учун қийин дамлардаги жонбозлик кўрсатган мураббий ва ўйинчиларга миннатдорчилик билдиради», — дейилади клуб баёнотида.
Аввалроқ туринликлар раҳбарияти футболчилар билан маошни камайтириш борасида келишувга эришгани хабар қилинганди.
Изоҳ (0)