«Челси» клуби ҳозирги шароитдан келиб чиқиб янги уй стадиони қуришдан воз кечди. Бу ҳақда лондонликлар расмий сайтида маълум қилинди.
Маълум бўлишича, «Челси»нинг янги уй стадионини қуриш учун берилган рухсатнома 31 март куни ўз кучини йўқотади. Клуб ҳали 1 миллиард фунтлик қурилиш лойиҳасини бошлагани йўқ. Шунингдек, клуб баёнотида аренани қайта қуриш ишлари кейинчалик қониқарли молиявий шароитда амалга ошишини маълум қилинган.
Эслатиб ўтамиз, «Челси» 2017 йилда «Стемфорд Бриж» ўрнида янги ўйингоҳ қуришга рухсат олган, бироқ 2018 йилнинг май ойида молиявий муаммолар сабаб лойиҳа тўхтаб қолганди.
«Стемфорд Бриж» айни дамда 41 837 нафар томошабинни ўз бағрига сиғдира олади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)