Франциялик ярим ҳимоячи Жюльен Фобер 2009 йилда ижара асосида «Вест Ҳэм»дан «Реал»га ўтиши ҳақидаги хотиралари билан ўртоқлашди.
«Клуб автобусида «Фулҳэм»га қарши ўйнаш учун «Аптон Парк» стадионига кетаётгандик. Менга франциялик йигит қўнғироқ қилди ва шундай деди: «Салом, мен «Реал»да ишлайман, биз гаплашиб олишимиз керак». Мен унга муҳим ўйинга тайёрланишим кераклиги ва бундай бемаънигарчиликка тоқатим йўқлигини айтдим.
Телефонни ўчирдим, ўйин ўтди, шундан кейин уни ёқдим. 30 га яқин матнли ва элликта овозли хабар келганди. Ўшанда бу жиддий таклиф эканини англаб етдим ва менежеримга қўнғироқ қилдим. Аралаш ҳисларни туярдим, бироқ бахтли эдим — ахир бу «Реал». Ўшанда бу фейк эмаслигига амин бўлдим, музокаралар муваффақиятли ўтишини сўраб илтижо қилардим.
Келишувга эришилгач буюмларимни олиш учун «Вест Ҳэм» қароргоҳига бордим, баъзи футболчилар устимдан куларди: «Жюльен, қаерда эканингни англаяпсанми? Жин урсин, бу «Реал». Марк Нобл менга эътибор қилмай ўтиб кетганини эслайман, ундан муаммо нимада эканини сўрадим. Унинг жавоби: «Жюльен, сен билан гаплаша олмайман, сен «Реал» футболчисисан. Мендан юқорисан». Шунга ўхшаш жуда кўп ҳазил бўлганди», — дейди Фобер.
Аввалроқ Marca нашри Фоберни «Реал»нинг XXI асрдаги энг омадсиз харидларидан тузилган рамзий терма жамоага киритганди.
2009 йилнинг январь ойида «Реал» Фоберни 6 миллион еврога сотиб олиш ҳуқуқи билан ижарага олади. Бироқ футболчи мадридликлар сафида бор-йўғи иккита расмий ўйинда иштирок этган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)