Қозоғистонда карантин сабаб қаттиқ маиший чиқиндиларни ташишда муаммолар юзага келди. Блокпостлардаги тирбандликлар чиқинди ташувчи машиналарнинг чиқинди полигонларига қатнашини қийинлаштирмоқда, деб хабар беради Fergana News.
«Шаҳар аҳолисининг аксарият қисми уйда бўлгани сабаб қаттиқ маиший чиқиндилар кунига 800 тоннадан 1600 тоннага қадар ошган. Чиқиндиларни ташиш ишлари кучайтирилган режимда амалга оширилмоқда. Авваллари чиқиндилар 270 та махсус техника орқали ташилган бўлса, ҳозирда уларнинг сони 330 тага етказилган. Ходимлар сони мингдан ошган», — дейилади шаҳар маъмурияти хабарида.
Шунингдек, шаҳар ҳокимлигининг таъкидлашича, чиқинди ташувчи техникаларда ишловчи ходимларнинг хавфсизлигини таъминлаш мақсадида уларга антисептик восита, ниқоб ва қўлқоплар тарқатилмоқда.
Сўнгги маълумотларга кўра, Қозоғистонда коронавирус билан касалланганлар сони 52 кишига етган. Улардан 22 нафари Олмаотада, 28 нафари Нур-Султонда ва 2 нафари Қарағанда шаҳрида.
Мавзуга доир:
Бундан аввал мамлакатда оммавий тадбирлар бекор қилинди, мактаб ўқувчилари таътилга эртароқ чиқди, давлат органларига хорижга хизмат сафарига чиқиш тақиқланди. Фуқароларга қўл бериб кўришмаслик тавсия қилинди.
Изоҳ (0)