Туркманистоннинг Лебоб вилоятидаги амалдорлар янги турдаги COVID-19 коронавирусидан ҳимояланиш мақсадида ўз оилаларини Репетек қўриқхонасига жойлаштирди, деб хабар беради «Хроника Туркменистана».
Амалдорлар қўриқхона ҳудудида ва унинг чегараси яқинига 15-20 та чодир тиклаган. Чодирлар бир-биридан бир неча километр узоқликда жойлашган. У ерда амалдорларнинг қариндошлари мунтазам яшаб келяпти, уларнинг ўзи эса ҳар куни 60 километр масофа босиб ишга, вилоят маркази — Туркманободга бориб келмоқда.
Маълумотларга кўра, ихтиёрий равишда изоляцияланган ташаббускорлар орасида прокуратура, вилоят ҳокимлиги вакиллари ҳамда бир неча судья бор.
Таъкидлаш керакки, Лебоб вилоятида бошқа ҳудудлардаги каби 21 март куни Наврўз муносабати билан оммавий тадбирлар ўтказилган. Бюджет ташкилоти ходимлари ушбу тадбирларда мажбурий равишда қатнашиши керак бўлган. Лебоб вилояти учун бу, айниқса, хавфли, чунки COVID-19 пандемияси пайтида Ашхобод барча халқаро рейсларни айнан Туркманободга йўналтирган. Шунингдек, у ерда хориждан келганлар учун карантин зоналари ташкил этилган.
Мавзуга доир:
Изоҳ (0)