Буюк британиялик 105 ёшли аёл ўзининг туғилган кунида узоқ умр кўриш сири билан бўлишди, деб хабар беради Daily Mail.
Эллен Мэтьюс 17 март куни Нортгемптон шаҳридаги қовоқхонада юбилейини нишонлаган. Аёл коронавирус пандемияси сабаб одамлар тўпланадиган жойга бормаслик тавсиясига қулоқ тутмаган.
Мэтьюснинг таъкидлашича, 105 ёшга кириб у кўп нарсаларнинг гувоҳи бўлган ва коронавирус аёлни қўрқита олмайди. Шунингдек, юбилей эгаси журналистлар билан суҳбатлашиб, узоқ умр кўриш сирлари ҳақида гапириб берган.
Кампирнинг сўзларига кўра, узоқ умр кўриш учун ҳаёт билан ҳамнафас яшаш керак.
Мэтьюснинг қайд этишича, яна кўплаб омиллар ва тўғри овқатланиш узоқ умр кўришга ёрдам беради. Қариялар уйига боришдан бош тортган Мэтьюснинг ҳолидан бир кунда уч маҳал энага хабар олиб туради. Шунга қарамай, кампир ўзига ўзи қарай олади ва овқатларни мустақил пиширади.
Аввалроқ Японияда яшовчи Титесу Ватанабе кекса инсонлар орасидаги энг узоқ умр кўраётган эркак сифатида ўз маслаҳатлари билан бўлишган эди.
Изоҳ (0)