Жаҳон киноси ва эстрадаси юлдузлари ўз мухлисларига коронавирус билан курашиш борасида тавсиялар бермоқда. Америкалик актриса ва хонанда Майли Сайрус ҳам ҳамкасбларидан ортда қолмай ўз мухлисларига мурожаат қилди, деб ёзади Popcake.
У ўз фолловерлари билан пандемия ҳақида суҳбатлашиш учун Disney сериалида ўзи ижро этган Ханна Монтана образини танлади.
«Эътиборли ва раҳмдил бўлинг. Инсон бўлинг. Дўкондаги ҳар битта шўрвани сотиб олишимиз шарт эмас. Қанча кўп сотиб олаверсак, биринчи эҳтиёж учун керакли маҳсулотлар шунчалик қимматлашиб кетаверади. Натижада эса кўпчилик энг зарур нарсаларсиз қолиши мумкин.
Бу сабрни синовдан ўтказиш учун энг ажойиб фурсат. Ваҳима қуршаб олган пайтда ақлли қарор қабул қилиш жуда қийин. Бироқ қўрқувга таслим бўлиб, эътиборсиз бўлишдан аввал икки марта ўйлаб кўринг.
Агар биз бир-биримизга ғамхўрлик қилсак, унда бунинг учун етарли сабаблар бўлади», — деб ёзади Майли Сайрус.
Изоҳ (0)