Давлат статистика қўмитаси 2020 йил январь—февраль ойлари якуни бўйича Ўзбекистоннинг ташқи савдо айланмаси (ЦА) ҳақида маълумот берди.
Маълумотларга кўра, ташқи савдо айланмасида экспорт ҳажми 2,6 миллиард долларга (4,2 фоизга камайди) ва импорт ҳажми 3,2 миллард долларга (2,2 фоизга камайди) етди. Ҳисобот даврида — 657,5 миллион АҚШ доллари қийматида пассив ташқи савдо баланси қайд этилди.
Ўзбекистон, жаҳоннинг 145 дан ортиқ мамлакатлари билан савдо алоқаларини амалга ошириб келмоқда. ЦАнинг нисбатан салмоқли ҳиссаси Хитойда (16,6 фоиз), Россия (16,1 фоиз), Қозоғистон (7,0 фоиз), Жанубий Корея (6,3 фоиз), Туркия (5,3 фоиз), Германия (1,8 фоиз) ва Қирғизистонда (1,7 фоиз) қайд этилган.
Қўшни давлатлар Қозоғистон ва Қирғиз билан ташқи савдо айланмасида сўнгги йилларда катта ўзгаришлар кузатилмоқда. Сўнгги уч йилда Қирғизистон, Тожикистон ва Афғонистон билан ташқи савдо айланмаси ошган.
Ташқи иқтисодий фаолият бўйича 20 та йирик ҳамкор-давлатлар орасидан олтита давлатда фаол ташқи савдо баланси кузатилган, хусусан, Афғонистон (99,4 миллион доллар), Қирғизистон (60,4 миллион доллар) Тожикистон (49,6 миллион доллар) ва Эрон (16,8 миллион доллар) шулар жумласидан. Қолган 14 та давлатлар билан пассив ташқи савдо баланси сақланиб қолмоқда.
Январь ойида Ўзбекистоннинг ташқи савдо айланмаси 2,9 млрд долларни ташкил этгани ҳақида хабар берилганди.
Мавзуга доир: Тожикистон Ўзбекистон билан товар айланмаси тўғрисидаги маълумотлар ўртасидаги тафовутга изоҳ берди
Изоҳ (0)