Ўзбекистон Миллий телерадиокомпанияси телеканаллари мамлакатдаги эпидемиологик вазият барқарор бўлгунига қадар зарур маҳсулотлар ва хизматларни уйга етказиш фаолияти билан шуғулланувчи тадбиркорлик субъектларини бепул реклама қилади. Бу ҳақда ЎзМТРК раҳбари Алишер Хожаев Facebook’даги саҳифасида маълум қилди.
«Зарур маҳсулотлар ва хизматларни уйга етказиш фаолияти билан шуғулланувчи тадбиркорлик субъектлари ҳақидаги реклама эълонлари эпидемиологик вазият барқарор бўлгунига қадар МТРК телеканалларида бепул жойлаштирилади. Мурожаат учун телефон/телефон: +99897-414-44-33», — деб хабар қолдирган ЎзМТРК раҳбари.
Унинг қайд этишича, ушбу қарор «халқимизни коронавирусга қарши курашда янада қўллаб-қувватлаш ҳамда юртдошларимиз ҳозирги даврда уйда ўтиришларини рағбатлантириш мақсадида» қабул қилинган. Сўнгги маълумотларга кўра, мамлакатда 37 кишида коронавирус аниқланган.
Эслатиб ўтамиз, Ўзбекистонда 21 мартдан бошлаб чойхона ва ошхоналар фаолияти «коронавирус касаллиги билан боғлиқ эпидемиологик ҳолат барқарорлашгунига қадар» тўхтатилди. Айни вақтда, ушбу тақиқ озиқ-овқат маҳсулотларини уйга элтиб бериш хизматига тааллуқли эмас.
Мавзуга доир:
- «Маска йўқ», карантиндаги тўй, «уйда қолинг» акцияси. 20 март суратлари
- Бутун дунё шифокорлари одамларни уйда қолишга чорлаб челленж бошлади (фото)
- Коронавирус сабаб Арнольд Шварсенеггер ҳам уйда ўтирибди, бироқ зерикиш йўқ: у кучугига қўл ювишни ўргатяпти (видео)
- «Дунёнинг энг бой кишилари бу касалликдан қутула олмадими, унда биз ҳам тайёр туришимиз керак». Канададаги ўзбекистонлик коронавирус ҳақида
- Тошкент шаҳар бош имом-хатиби: «Бугун қариндошга яхшилик қилиш — уларнинг олдига бормаслик бўлади»
Изоҳ (0)