Ўзбекистон ҳуқуқ-тартибот органлари ҳам коронавирус пандемияси вақтида фуқароларни уйда ўтиришга чақирувчи челленжга қўшилди. Бу ҳақда Тошкент шаҳар ИИББ ахборот хизмати хабар берди.
«Шу кунларда кўчаларда, жамоат жойларида, пойтахт йўлларида, шунингдек карантин эълон қилинган даволаниш муассасалари яқинида ҳуқуқ-тартибот ва фуқаролар хавфсизлигини таъминлаш билан машғул бўлган Тошкент шаҳар ИИББ ходимлари ҳамшаҳарлар ва пойтахт меҳмонларини шифокорлар тавсияларига амал қилишга, санитария ва шахсий гигиена чораларига риоя қилишга, имкон қадар уйда қолишга чақирмоқда», — дейилади хабарда.
ИИВ ва Миллий гвардия ходимлари «Биз сизнинг хавфсизлигингиз учун хизматдамиз. Сиз биз учун уйда бўлинг!» чақируви туширилган варақлар билан тушган суратларини тармоқларга жойламоқда.
Аввалроқ шифкорлар фуқароларни карантин вақти иложи борича кўчага чиқмасликка, санитария ва шахсий гигена қоидаларида риоя қилишга чақирган эди.
Мавзуга доир: Вирусология илмий текшириш институтида COVID-19 коронавирусига қарши курашаётган ўзбек шифокорлари (фото)
2020 йил 20 март ҳолатига кўра Ўзбекистонда коронавирусга чалинганлар сони 33 нафарга етган. Ўзбекистонда 21 мартдан чойхона ва ошхоналар ёпилди ва 23 мартдан тўйларнинг ўтказилиши бекор қилинади. Коронавирус сабаб халқаро йўналишларда йўловчи ташиш 40 кунга тўхтатилган.
Изоҳ (0)