Англиянинг Йорк шаҳридан бўлган ҳамшира 48 соат шифохонада ишлагани сабаб коронавирус пандемияси оқибатида дўконларнинг бўшаб қолган пештахталаридан ўзига керакли маҳсулотларни топа олмади, деб хабар беради Daily Mail.
51 ёшли Доун Билброу узоқ вақт давом этган навбатчиликдан сўнг, дам олиш кунлари учун озиқ-овқат харид қилиш мақсадида маҳаллий дўконларга кирган. Бироқ коронавирус сабаб товарларга бўлган талабнинг ортиб кетгани боис у ўзига керакли маҳсулотларни топа олмаган. Аёлнинг қайд этишича, мева ва сабзавотлар бўлими мутлақо бўм-бўш бўлган.
«Одамлар пештахталардан асосий маҳсулотларни олиб кетмоқда. Бундай қилишни тўхтатинг. Бўлмаса, сизларни оёққа турғизишга уринаётган мен кабилар овқатсиз қоляпти. Илтимос, тўхтанглар», — деб йиғлаб юборди ҳамшира. Билброу ўзининг видеомурожаатини Facebook’даги саҳифасига жойлаган. Ролик эълон қилингач, у дўстлари ва қариндошларидан кўплаб қўллаб-қувватлов сўзларини эшитган.
Тармоқ фойдаланувчиларидан бири Билброуга ҳамдардлик билдириб, ўз маҳсулотлари билан бўлишишга тайёрлигини айтган: «Доун, илтимос йиғлама! Мен изоляциядаман. Бир қоп картошка ва сабзим, шунингдек, тарвузим бор. Мен буларнинг барчасини уйимнинг бурчагида қолдиришим мумкин. Илтимос, йиғлама».
Мавзуга доир:
- Ўзбекистонда супермаркетлар расталарини бўшатган оммавий ваҳима қандай юзага келди? Психолог изоҳ берди
- Коронавирус дунё бўйлаб дўконларни шип-шийдам қилди. Одамлар санитайзерлар, ҳожатхона қоғози ва сули сутини битта қолдирмай сотиб олмоқда
- Бутун дунё шифокорлари одамларни уйда қолишга чорлаб челленж бошлади (фото)
- «Маҳсулотлар етишмовчилиги бўлмайди». Қишлоқ хўжалиги вазирлиги расмий баёнот билан чиқди
Изоҳ (0)