Тошкентда йигит ўзи танишган қизнинг эҳтиросли суратларини тарқатиш билан қўрқитиб, пул талаб қилди. Бу ҳақда Тошкент шаҳар ИИББ матбуот хизмати хабар берди.
Қайд этилишича, Ички ишлар органларига 22 ёшли қиз Ш.А. мурожаат қилиб, ундан 800 доллар ундирмоқчи бўлаётган йигитга нисбатан чора кўришни сўраган. Акс ҳолда йигит қизнинг интим суратларини интернет тармоғида тарқатишини ва унинг қариндошларига кўрсатиб, уни шарманда қилишини айтган.
25 ёшли И.К. 10 март, сешанба куни, Яккасарой тумани Бобур кўчасида пулни қабул қилаётганида қўлга олинган. Унинг айтишича, таниши Ш.А. билан 2019 йил август ойида Telegram’да ёзишишни бошлаган. Йигит ўз қилмишининг сабаблари ҳақида гапиришдан бош тортган.
Воқеа юзасидан И.К.га нисбатан Жиноят кодексининг 165 моддаси («Товламачилик») бўйича жиноий иш қўзғатилган.
Изоҳ (0)