АҚШнинг Техас штатидаги Хьюстон шаҳрида жойлашган ресторан мижози 9,4 минг доллар чойчақа қолдирди, деб ёзади «Корреспондент.net».
Хўранда бу ишни коронавирус тарқалиши туфайли ишсиз қолиши мумкин бўлган ресторан ходимларини қўллаб-қувватлаш учун қилди.
Ўз буюртмаси учун пул тўлаган эркак ҳисоб қоғозига шундай деб ёзув қолдирди: «Бу сизга келгуси бир неча ҳафта мобайнида ходимларингизга тўлашингиз учун чойчақа».
Ресторан вакиллари ушбу пуллар барча ходимларга тенг тақсимланишини маълум қилди. Ҳар бир кишига тахминан 300 доллардан пул тегади.
Ресторан маъмурияти, шунингдек, агар талаб бўлса, буюртма бўйича овқат етказиб бериш хизматини йўлга қўйишини, агар талаб кам бўлса, ходимларни пул тўланмайдиган таътилга чиқаришини ҳам қўшимча қилган.
Ходимлар Facebook орқали сахий инсонга миннатдорчилик билдирди.
Эслатиб ўтамиз, АҚШда янги турдаги COVID-19 коронавирусининг тарқалиши сабаб Европа мамлакатларидан келувчилар учун 30 кунга вақтинчалик тақиқ ўрнатилди. Бир оздан сўнг Дональд Трамп мамлакатда COVID-19 коронавирус инфекцияси тарқалиши оқибатида фавқулодда ҳолат режими эълон қилинганини билдирди. Унинг ўзи ҳам коронавирусга тест топширди. Трампда касаллик аниқланмади.
Изоҳ (0)