Ким Кардашьян билан боғлиқ ҳамма нарса машҳурликка эришиши табиий ҳол бўлиб қолган. Оддий тасодифлар, ҳар биримизни кундалик турмушимизда юз бериши мумкин бўлган воқеа-ҳодисалар, деталь ва жонзотлар Кимнинг саҳифасида пайдо бўлса борми, унга босилган лайк ва ёзилган изоҳлар кўплигини кўриб ҳайратланади киши.
16 март, душанба куни оқшомда Кардашян томонидан Twitter’да эълон қилинган қисқичбақа видеоси бунинг исботи. Hello нашрининг ёзишича, уйи яқинида қисқичбақани учратиб қолган модель уни видеога олиб Twitter’га жойлаган.
Just confused how a lobster is walking on my street in Calabasas! What is happening?!?!?! pic.twitter.com/h5cy1IzTPI
— Kim Kardashian (@KimKardashian) March 16, 2020
«Мен ҳайратдаман, қандай қилиб қисқичбақа Калабасасдаги кўчамда кезиб юриши мумкин, нималар бўляпти ўзи?! ?! ?!» — деб ёзиб қолдирган юлдуз.
Лайк ва изоҳлар ўз йўлига аммо, орадан бир соат вақт ўтар-ўтмас, Twitter’да Calabasas Lobster саҳифаси очилди. Саҳифа обуначилари 3 мингдан ошиб кетди. Қисқичбақа номидан қуйидаги мазмундаги постлар жойланган: «Мен ҳозиргина Ким Кардашьяннинг уйи олдидан ўтдим» ва «Агар 1000 та лайк тўпласам Канье (Кардашьяннинг турмуш ўртоғи)ни тишлаб оламан». Постлар минглаб лайк ва репостлар йиғмоқда. Ижтимоий тармоқ фойдаланувчилари қисқичбақани «Кебастьян» деб номлашни ва уни реалити-шоу қаҳрамони қилишни таклиф қилган.
Изоҳ (0)