Тиббиёт фанлари доктори, профессор Хайрулла Мустафоев «Ўзбекистон 24» телеканалида эфирга берилган интервьюда коронавируснинг банан, сут маҳсулотлари ёки гўшт маҳсулотларидан юқмаслигини тушунтириб берди.
«Аҳоли ўртасида ҳар хил гаплар юради. Тушунса тушунмаса, билса билмаса турли миш-мишлар тарқатилмоқда. Ақл билан иш кўрайлик. Вирус асосан жонли танада бўлади, иссиқ ҳароратли ҳайвон ёки инсон организмида юради. Аввал ҳам айтилганидек банандан ёки сут маҳсулотларидан чиқмайди. Сабаби вирус нисбатан иссиқроқ ҳароратда яшай олади. Вируслар сут маҳсулотлари, гўшт маҳсулотларида ҳеч қачон яшай олмайди. Сутни чала қайнатиш ёки гўштни яхши пиширмаслик бошқа оғир касалликларни келтириб чиқаради», – дейди олим.
«Олинган маҳсулот аниқ текширилган жойдан олиниши керак. Кўчада сотган ҳар қандай маҳсулотни олмаслик керак. Сут ва гўшт маҳсулотларини текширилган, синовдан ўтган маҳсулотни олиш керак. Мол гўшти ёки жигарининг сифатсиз қисмидан таом тайёрлаб ичида паразит бўлган маҳсулотдан бруселлоз касаллигини юқтириб олиш мумкин», – деган Хайрулла Мустафоев.
Мавзуга доир:
Изоҳ (0)