«Тахтлар ўйини» сериалидаги Тормунд роли билан машҳурликка эришган норвегиялик актёр Кристофер Хивьюда коронавирус аниқланди. Бу ҳақда у ўзининг Instagram’даги саҳифаси орқали маълум қилган, деб хабар беради «Кинопоиск».
Актёрнинг айтишича, у ҳозирда оиласи билан бирга уй шароитда изоляцияланган ва аҳволлари яхши. Таъкидланишича, уларни бироз шамоллаш белгилари безовта қилмоқда.
«Вирус айрим одамлар учун алоҳида хавф туғдиради, шу сабабли эҳтиёт бўлишларингизни сўрайман. Қўлларингизни ювиб юринг ва бир-бирингиз билан оралиқ масофани 1,5 метр атрофида сақланг, карантинда қолинг. Вирус тарқалишининг олдини олиш бўйича қўлингиздан келадиган барча ишни қилинг», — деб ёзади Хивью.
Аввалроқ, янги турдаги COVID-19 коронавируси билан Ольга Куриленко ва Том Хенкс ҳам касаллангани ҳақида хабар берилганди.
Изоҳ (0)