Коронавирус инфекцияси аниқланган америкалик актёр Том Хенкс соғлиғи қандайлиги ҳақида ўзининг Twitter’даги саҳифасида маълум қилди.
«Салом дўстлар, мен ва Рита Уилсон (актёрнинг рафиқаси) ҳозирда бизга ғамхўрлик қилаётган барчага миннатдорчилик билдирмоқчимиз. Бизда COVID-19 аниқланди ва касаллик бошқаларга тарқамаслиги учун карантиндамиз», — деб ёзган актёр. Шунингдек, вирус билан курашиш учун одамлар шифокор ва мутахассисларнинг тавсияларига амал қилишлари кераклигини таъкидлаган.
— Tom Hanks (@tomhanks) March 13, 2020
Эслатиб ўтамиз, Австралияга сафар қилган Том Хенкс ва унинг рафиқаси Ритада 12 март, пайшанба куни, коронавирус аниқланганди. Улар Ғарбий Австралиянинг Голд-Кост шаҳридаги касалхонада карантинга жойлаштирилган. Том Хенкснинг ўғли ўзининг Instagram’ида ота-онасига ҳаммаси жойида эканлиги ва касалликдан унчалик ҳам тушкунликка тушишмаганини билдирган.
Коронавирус инфекциясининг тарқалиши дастлаб 2019 йилнинг декабрида Хитойнинг Ухань шаҳрида аниқланган эди. Кейинчалик касалланиш ҳолатлари Япония, Жанубий Корея, Австралия, Канада, Германия, Франция, Испания, Италия, Буюк Британия, Швеция, Россия, Канада, Тайвань, Филиппин, Сингапур, Малайзия, Непал ва бошқа бир қатор давлатларда аниқланди.
Март ойи бошларида Австралияда коронавирус билан боғлиқ биринчи ўлим ҳолати кузатилди. Мамлакат Соғлиқни сақлаш вазирлигининг сўнгги маълумотларига кўра, Австралияда вафот этган одамдан ташқари яна 24 нафар фуқарода коронавирус қайд этилган, улардан 9 нафари саёҳат кемасидан эвакуация қилинганди.
Изоҳ (0)