«Ўзбеккино» Миллий агентлиги янги турдаги COVID-19 коронавируси тарқалишининг олидини олиш мақсадида Ўзбекистондаги барча кинотеатрлар фаолиятини вақтинча тўхтатди. Бу ҳақда агентлик матбуот хизмати хабар берди.
Таъкидланишича, Ўзбекистондаги барча кинотеатрлар ёпилади. Агентлик фуқароларга фильмлар томоша қилишнинг муқобил йўлларини таклиф қилмоқда.
Миллий агентлик давлат ва нодавлат телеканаллари орқали кинотеатрларда намойиш этиладиган ҳужжатли, бадиий ва анимацион фильмларни теледастурлар эфир жадвалига киритиш лойиҳасини ишлаб чиқмоқда.
«Ташкил этилаётган лойиҳага кўра, ‘Ўзбеккинo’ Миллий агентлиги томонидан давлат ва нодавлат телеканалларига телевизион намойиш қилиш учун бадиий, ҳужжатли, мултипликацион фильмлар ва бошқа кино маҳсулотларини беғараз асосда етказиб бериш учун махсус пакети шакллантирилган», — дейилади хабарда.
Мавзуга доир: Коронавирус сабаб Юлдуз Усмонованинг концерти 16 мартдан бошлаб қолдирилади, «Миллион» жамоасининг концерти ёзга кўчирилди
Изоҳ (0)