Фотогалерeя: 2020 йилги Оскар мукофотини топшириш маросимидаги асосий воқеалар
Кеча, 10 февраль Лос-Анжелесда Америка киноакадемиясининг 92-тантанали тақдирлаш маросими ўтказилди — Оскар мукофотини топшириш бу сафар ҳам бошловчиларсиз ўтди.
Асосий соврин, яъни энг яхши фильм учун Оскар мукофотини тарихда биринчи марта инглиз тилида суратга олинмаган фильм – Жанубий кореялик режиссёр Пон Чжун Хонинг «Паразитлар» картинаси қўлга киритди.
Актёрларга мукофот топшириш жараёнида кутилмаган ўзгаришлар кузатилмади мос равишда Хоакин Феникс ҳамда Рене Зеллевегер энг яхшилар деб топилди, иккинчи даражали энг яхши рол ижрочилари сифатида Брэд Питт ва Лора Дерн эътироф қилинди.
Энг яхши режиссёр деб Пон Чжун Хо топилди, шунингдек у энг яхши оригинал сценарий номинациясида ҳам ғолиб чиқди.
Тайка Вайтити энг яхши мослаштирилган сценарий учун Оскарга сазовор бўлди. Тақдирлаш маросими вақтида бир нечта ёдда қоларни мусиқий чиқишлар кузатилди: тадбирни Жанель Монэ ўз қўшиғи билан очиб берди, дастур ўрталарида Эминем барчага завқ-шавқ улашган бўлса, маросим финал қисмида Билли Айлиш ва уинг акаси Финнеас О’Коннел қўшиқ куйлади.
Meduza тақдим этган ушбу фотогалереяда Оскарнинг энг ёдда қоларли лаҳзалари билан танишиш мумкин.
Энг яхши актриса — Рене Зеллвегер («Жуди»)Фото: AP
Энг яхши актёр — Хоакин Феникс («Joker»). У маросимда инсоннинг атрофидаги жамиятга таъсири ҳақида ҳаяжонли нутқ сўзладиФото: Reuters
Энг яхши иккинчи даражали рол ижро этган актриса — Лора Дерн («Никоҳ тарихи»)Фото: Reuters
Энг яхши оригинал сценарий номинациясига номзоди қўйилган Ноа Баумбак ушбу йўналишда ҳайкалчани қўлга киритган Пон Чжун Хони табрикламоқдаФото: Reuters
Бреэд Питт «Бир куни Голливудда» фильмидаги ижроси учун «Иккинчи даражали энг яши рол ижрочиси» номинациясида илк актёрлик «Оскар»ини олмоқдаФото: AFP
Бастакор Хильдур Гуднадоттир «Joker» фильмидаги композицияси учун Оскар билан мукофотландиФото: AP
Элтон Жон «Рокетмен» фильмидаги «(I’м Gonna) Love Me Again» қўшиғи учун иккинчи бор Оскарга муносиб кўрилди. У мукофотни Берни Топин билан бирга олдиФото: Reuters
Тайка Вайтити «Қуён Жожо» фильми билан «Энг яхши мослаштирилган сценарий» номинациясида ҳайкалчани ютиб олдиФото: AFP
«Мушуклар» киномюзиклида рол ижро этган Жеймс Корден ва Ребел Уилсон «Энг яхши визуал эффектлар» номинацияси ғолибларини эълон қилмоқдаФото: Reuters
Эминем 17 йил аввал Оскарга лойиқ топилган «Lose Yourself» қўшиғини яна ижро этдиФото: AFP
Жанель Монэ Оскар мукофотининг 92-тантанали маросимини очиб бермоқда. У қўшиқ ижро қилаётган вақтда бир нечта образни саҳнада гавдалантирди, жумладан «Қуёш маъбудаси» ролини ҳам ижро қилдиФото: EPA
Изоҳ (0)