Баҳром Алматов коронавирус аниқланган фуқаро билан контактда бўлганлар изоляцияга олинишини маълум қилган. Шунингдек, агентлик директори берган маълумотга кўра, 15 март, якшанба куни, соат 06:00 да Вирусология институти лабораториясида Францияда бўлиб қайтган ўзбекистонликда COVID-19 коронавирус инфекцияси аниқланган.
Шунингдек, Баҳром Алматов айни дамда ушбу ҳолат бўйича эпидемиологик текшириш ишлари ўтказилаётгани, касаллик аҳоли орасида тарқалиб кетишининг олдини олиш бўйича тадбирлар кенг кўламда олиб борилаётгани ҳақида маълумот берган.
Мавжуд вазият бўйича хавотирга ўрин йўқ. Ушбу бемор билан мулоқотда бўлган шахслар, у билан бирга Франциядан учиб келган йўловчиларнинг тўлиқ рўйхати тузилган, уларнинг яшаш жойларини аниқлаш ва улар устидан тиббий кузатув ўрнатиш ишлари олиб борилмоқда, эпидемияга қарши барча тадбирлар амалга оширилмоқда.Бу хабардан кейин аҳоли ўртасида ваҳима уйғониши керак эмас. 80 фоиз ҳолатларда касаллик енгил ўтмоқда, 15 фоиз ҳолатларда ўрта даражада, фақат 5 фоиз ҳолатларда оғир ҳолат. Касаллик оғир ўтиши ҳолатлари сурункали касаллиги бор ёши катта одамларда кузатилмоқда.
Кўряпмизки, касалланганларнинг 50 фоиздан ортиғи бутунлай соғайиб, нормал ҳолатга қайтган. Шунинг учун, халқимиздан сўрардикки, ваҳимага тушмасдан, шахсий гигиена қоидаларига жиддий риоя этишларини, хонадонларини озода сақлаш, жамоат транспортидан фойдалангандан кейин доим қўлларни совунлаб юриш, зарарсизлантирувчи воситаларни қўллаш тавсия этилади.
Санитария-эпидемиологик осойишталик агентлиги директори Баҳром Алматов
Изоҳ (0)