Тошкентнинг Учтепа туманидаги 14 март куни портлаш юз берган автосервисдаги вайроналар остидан маҳаллий вақт билан 20:00 лар атрофида учинчи қурбоннинг жасади топилди. Бу ҳақда Фавқулодда вазиятлар вазирлиги матбуот хизмати хабар бермоқда.
Аввалроқ ҳодиса оқибатида бир киши ҳодиса жойида, яна бир киши эса касалхонада вафот этгани ҳақида хабар берилган эди. Шунингдек, яна тўрт киши турли даражадаги тан жароҳатлари билан касалхонага ётқизилгани маълум қилинган эди.
Соат 11:00 атрофида юз берган газ ёки кислород баллонининг ёрилиб кетиши оқибатида автосервис биноси қисман вайрон бўлган эди. Ҳодиса жойида ФВВнинг авария-қутқарув кучлари ва бошқа тузилмалар вакиллари иш олиб бормоқда.
Ҳодиса сабабларини аниқлаш бўйича суриштирув ҳаракатлари олиб борилмоқда. Дастлабки тахминга кўра, ҳодиса кислород ёки газ баллонидан фойдаланиш вақтида хавфсизлик техникасини бузиш оқибатида содир бўлган.
Изоҳ (0)