Тошкент вилоятида жорий йилнинг ўтган икки ойи мобайнида 98 та йўл транспорт ҳодисаси содир бўлган бўлса, уларнинг 50 таси пиёда уриб юбориш ҳолати кузатилган. Бу ҳақда Тошкент вилояти ИИББ ЙҲХБ ахборот хизмати хабар берди.
Қайд этилишича, вилоят ҳокимининг фармойишига биноан 1 мартдан 31 мартга қадар «Пиёдалар ҳаракат хавфсизлиги ойлиги» ўтказилмоқда. Бу тадбирда асосий эътибор қоидабузар пиёдаларга қаратилмоқда. Тадбирнинг ўтган 10 куни мобайнида 2454 та қоидабузар пиёдаларга тегишли чоралар кўрилган.
«Ҳар бир пиёда томонидан содир этилган қоидабузарлик юзасидан Ўзбекистон Маъмурий жавобгарлик тўғрисидаги кодекснинг 138-моддасига кўра маъмурий баённомалар расмийлаштирилди», — дейилади хабарда.
Аввалроқ Тошкент вилоятида ЙПХ инспекторлари 1 кунда 300 га яқин пиёдани жаримага тортгани ҳақда хабар берган эдик.
Изоҳ (0)