World Justice Project халқаро фуқаролик жамияти ташкилоти томонидан юритиладиган «Қонун устуворлиги» индекси бўйича навбатдаги 2020 йил учун ҳисоботини эълон қилди. Молия вазирлиги матбуот хизматининг хабар беришича, Ўзбекистон ушбу рейтингда 0,47 балл билан 92 ўринни эгаллади.
Ўзбекистон «Қонун устуворлиги» индексининг тартиб ва хавфсизлик кўрсаткичида йиллар давомида ижобий натижа кўрсатиб келмоқда (0,9 балл билан дунё мамлакатлари орасида 11 ўрин). 2020 йилда мамлакатнинг энг катта ўзгариши коррупциянинг мавжуд эмаслиги кўрсаткичида кузатилди: 0,40 балл билан 89-ўрин (2019 йилда 0,38 балл билан 95-ўрин).
«Қонун устуворлиги» индексининг таркибий кўрсаткичлари бўйича республика натижалари қуйидаги жадвалда келтирилган:
«Қонун устуворлиги» бўйича Ўзбекистон МДҲда 6 ўринни эгаллаган:
«Қонун устуворлиги» индекси 0 (энг паст)дан 1 (энг баланд) баллгача бўлган шкалада баҳоланиб, уларга тегишли рейтинг беради. Индексда давлатлар асосий 8 омил бўйича таҳлил қилиниб ҳамда 44 кўрсаткичга бўлинган: ҳукумат ваколатларининг чекланиши, коррупциянинг йўқлиги, очиқ ҳукумат, асосий ҳуқуқлар, буйруқ ва хавфсизлик, норматив қоида, фуқаролик одил судлови ҳамда жиноий одил судлов.
Мазкур индекс World Justice Project ташкилоти томонидан умумлаштирилган General Population Poll (GPP) вa Qualified Respondents’ Questionnaires (QRQs) катта ҳажмли саволлардан иборат сўровномаларига асосланган ҳолда баҳоланди. Хусусан, Ўзбекистонда сўровнома Тошкент, Наманган ва Самарқанд вилоятларида ўтказилди.
Изоҳ (0)