Коронавируснинг кенг тарқалиши сабаб футбол бўйича Испания чемпионати тўхтатилди. Бу ҳақда Ла Лига расмий сайтида маълум қилинди.
Мусобақа камида икки ҳафта мобайнида ўтказилмайди. Ушбу вақт ичида Примера ва Сегунданинг иккита тури бўлиб ўтиши керак эди. Мазкур тур баҳслари қачон ўтказилиши номаълум.
Бунга «Реал» клуби карантинга олингани сабаб қилиб кўрсатилмоқда. Мадридликлар клуби расмий сайтининг маълум қилишича, «Реал» баскетбол жамоасининг аъзоси COVID-19 вирусини юқтириб олган. Шу сабабли «Реал»нинг баскетбол ва футбол жамоалари карантинга олинган.
Аввалроқ Италиядаги эпидемия сабабли А Серия ўйинлари тўхтатилганди.
Мавзуга доир: Коронавирус ва спорт: бекор қилинаётган мусобақалар, вирусни юқтирган «Ювентус» ҳимоячиси ҳақида сўнгги маълумотлар
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)