Арманистонда коронавирус билан касалланиш бўйича учта янги ҳолат қайд этилди. Бу ҳақда мамлакат бош вазири Никол Пашинянга асосланиб «РИА Новости» хабар берган.
Аввал Арманистонда коронавирус юқтириб олиш бўйича битта ҳолат кузатилганди.
«Афсуски, бугун мамлакатда коронавирус юқтириб олиш бўйича учта янги ҳоалт кузатилди. Икки нафар (уларнинг ёши мос равишда 45 ва 27 да) Арманистон фуқароси ҳамда мамлакатда ишловчи Италия фуқаросида (51 ёш) касаллик борлиги аиқланган. Учала одамнинг ҳам яқинда Италиядан келгани маълум бўлди», — деб ёзган Арманистон бош вазири Facebook’даги саҳифасида.
Ҳукумат раҳбарининг сўзларига кўра, айни вақтда беморларнинг Италиядан қайтгач кимлар билан мулоқот қилганлиги юзасидан суриштирув ишлари олиб борилмоқда.«Италия фуқароси ва Арманистон фуқароларининг бирида соғлиғи билан боғлиқ шикоятлар йўқ. Бошқа бир арманистонликда эса пневмония касаллиги бошланган», – дея қўшимча қилган Пашинян.
Шунингдек, у карантинга олинган 32 нафар фуқароларнинг ҳолати яхши эканини ҳам таъкидлаб ўтган.
Мавзуга доир:
Изоҳ (0)