Italiyada koronavirus sabab do‘konlar, bar va restoranlar yopiladi. Sotuvda faqat oziq-ovqat va dori-darmon qoladi
Italiya bosh vaziri Juzeppe Konte mamlakatda koronavirus infeksiyasi tarqalishining oldini olish maqsadida yangi cheklov choralari joriy etilgani haqida xalqqa murojaat yo‘lladi. Kontening murojaati Facebook’dagi sahifasi orqali to‘g‘ridan to‘g‘ri translayatsiya qilindi.
Butun Italiya bo‘ylab ko‘plab do‘konlar yopiladi. Istisno faqat oziq-ovqat va dori-darmon kabi asosiy ehtiyoj mahsulotlarini sotadiganlarga tegishli. Tamaki va gazeta kioskalari ham ishlayveradi. Bundan tashqari, transport, moliyaviy va ishlab chiqarish muassasalari ham o‘z faoliyatini davom ettiradi.
Qovoqxonalar, barlar va restoranlar kun davomida yopiq bo‘ladi. Shu bilan birga, ushbu muassasalar uylarga taom yetkazib berish orqali o‘z ishini davom ettirishi mumkin.
“Boshqarish — 360 darajada atrofni ko‘ra bilish degani. Ushbu chaqiruv fuqarolarimiz sog‘lig‘iga bog‘liq ekanligini yaxshi bilamiz. Bu chaqiruv sog‘liqni saqlash tizimimiz uchun qattiq sinov bo‘lmoqda. Biroq u, shuningdek, iqtisodiyotimiz, kichik va o‘rta biznesni ushlab turuvchi ishlab chiqarish tarmoqlariga ham bog‘liq. Shu vaqtga qadar qarorlarimni vazirlarim bilan barcha manfaatlar va omillarini hisobga olgan holda qabul qilganman. Men vijdonim bilan bitim tuzdim. Birinchi navbatda, italiyaliklarning sog‘lig‘i va doim shunday bo‘lib qoladi”, — deydi bosh vazir o‘z murojaatida.
Mavzuga doir:
Avvalroq Italiyada barcha ommaviy tadbirlar bekor qilinib, fuqarolarga uydan chiqmaslik tavsiya etilgani haqida xabar berilgandi. Maktablar 3-aprelga qadar yopilgan, restoran va barlar soat 18:00 ga qadar ishlaydi. Shuningdek, futbol bo‘yicha Italiya chempionati hamda boshqa sport tadbirlari bekor qilingan.
