Москвада COVID-19 коронавирусини юқтириб олиш билан боғлиқ 9 та янги ҳолат қайд қилинган, лекин шунга қарамай тиббиёт ходимлари томонидан мингга яқин киши ушбу ўнликка яқин келгани туфайли кузатувга олинган, дейилади «РБК» хабарида.
«Улар нафақат яқин дўст ва қариндошлар, самолёт рейсларининг йўловчилари, шунингдек, такси ҳайдовчилари, курерлар ва бошқа касб вакиллари», — дея вазиятга изоҳ берган Москва шаҳри мэри ўринбосари Анастасия Ракова.
Амалдорнинг сўзларига кўра, беморлар қисқа вақт ичида алоқа қилишга улгурган одамлар жуда тез аниқланган. Минглаб одамлар орасида касалхонага ётқизилганлари ҳам бор, қолганлар эса ўз уйида карантинга олинган. Беморлар бирга учган самолёт рейсларининг йўловчиларига нисбатан шундай йўл тутилмоқда.
«Москвани тарк этган 700 нафар йўловчи ҳақидаги маълумотлар бошқа вилоятларга етказилган», — дея тушунтириш берган Ракова.
Роспотребнадзор маълумотига кўра, 11 март ҳолатига Россияда COVID-19 юқтириб олиш бўйича жами 20 та янги ҳолат қайд этилган, шундан 17 таси Италияга саёҳат қилиб қайтган Россия фуқароларида кузатилган.
Изоҳ (0)