Эрон ҳукумати Халқаро валюта жамғармасига (ХВЖ) коронавирус эпидемияси туфайли 5 миллиард доллар беришни сўраб, мурожаат қилди, деб хабар берди «РИА Новости» мамлакат марказий банки раҳбари Абдулносир Ҳемматига асосланиб.
«6 март куни мен мамлакатимизда коронавирус кенг тарқалишининг олдини олиш учун жиддий чора-тадбирлар зарурлигини, шунингдек, иқтисодий оқибатларга қарши курашишни ҳисобга олган ҳолда, тахминан 5 миллиард доллар миқдорида пул сўраб, халқаро валюта жамғармаси раҳбари Кристалина Георгиевага хат ёздим», — деб ёзади Ҳеммати Instagram’да.
Эрон Марказий банки халқаро валюта жамғармасига мурожаат қилганини мамлакат ташқи ишлар вазири Муҳаммад Жавид Зариф ҳам тасдиқлаган.
Эслатиб ўтамиз, Хитойдаги эпидемиологик вазият тобора яхшиланмоқда. Хусусан, касалланган фуқароларнинг салкам 78 фоизи соғайди. Карантин ўчоғида жорий этилган карантин енгиллаштирилди.
Изоҳ (0)