4-mart kuni Vengriyada COVID-2019 koronavirusi bilan kasallanish bilan bog‘liq ikki holat qayd etildi. Bu haqda mamlakat bosh vaziri Viktor Orbanning Facebook’dagi videomurojaatida aytiladi, deb yozadi “RBK”.
“Bizda koronavirusni yuqtirish bilan bog‘liq ilk holat qayd etildi. Infeksiyani yuqtirgan ikki bemor shifoxonaga yotqizildi”, — deydi Vengriya bosh vaziri.
Qayd etilishicha, kasallik Eronda tahsil oluvchi ikki vengriyalik talabada aniqlangan. Hozirda ular Budapeshtdagi muqaddas Ishtvan va muqaddas Laslo shifoxonalarida davolanmoqda.
Avvalroq, Latviya, Marokash, Avstraliya, Armaniston va Rossiyada koronavirusga chalinishning ilk holatlari qayd etilgani haqida xabar berilgan edi. Mavzuga doir:
