Armanistonda koronavirus bilan kasallanish bo‘yicha uchta yangi holat qayd etildi. Bu haqda mamlakat bosh vaziri Nikol Pashinyanga asoslanib “RIA Novosti” xabar bergan.
Avval Armanistonda koronavirus yuqtirib olish bo‘yicha bitta holat kuzatilgandi.
“Afsuski, bugun mamlakatda koronavirus yuqtirib olish bo‘yicha uchta yangi hoalt kuzatildi. Ikki nafar (ularning yoshi mos ravishda 45 va 27 da) Armaniston fuqarosi hamda mamlakatda ishlovchi Italiya fuqarosida (51 yosh) kasallik borligi aiqlangan. Uchala odamning ham yaqinda Italiyadan kelgani ma’lum bo‘ldi”, — deb yozgan Armaniston bosh vaziri Facebook’dagi sahifasida.
Hukumat rahbarining so‘zlariga ko‘ra, ayni vaqtda bemorlarning Italiyadan qaytgach kimlar bilan muloqot qilganligi yuzasidan surishtiruv ishlari olib borilmoqda.“Italiya fuqarosi va Armaniston fuqarolarining birida sog‘lig‘i bilan bog‘liq shikoyatlar yo‘q. Boshqa bir armanistonlikda esa pnevmoniya kasalligi boshlangan”, – deya qo‘shimcha qilgan Pashinyan.
Shuningdek, u karantinga olingan 32 nafar fuqarolarning holati yaxshi ekanini ham ta’kidlab o‘tgan.
Mavzuga doir:
Izoh (0)