Италияда ўтган бир сутка ичида янги турдаги коронавирус оқибатида 168 киши вафот этди. Умумий ҳисобда, мамлакатда вирус оқибатида вафот этганлар сони 631 кишига етди, деб хабар беради South China Morning Post.
Мамлакатда жами 10 149 киши COVID-19 коронавируси билан касалланган (ўтган бир сутканинг ўзида 977 кишида вирус аниқланган).
Аввалроқ Италияда барча оммавий тадбирлар бекор қилиниб, фуқароларга уйдан чиқмаслик тавсия этилгани ҳақида хабар берилганди. Мактаблар 3 апрелга қадар ёпилган, ресторан ва барлар соат 18:00 га қадар ишлайди. Шунингдек, футбол бўйича Италия чемпионати ҳамда бошқа спорт тадбирлари бекор қилинган. Италия коронавирусдан ўлим ҳолатларининг фоиз кўрсаткичи бўйича жаҳонда биринчи ўриндаги мамлакатга айланди. Шунингдек, мамлакатнинг Пемонт вилояти ҳокими коронавирус юқтириб олгани ҳақида хабарлар пайдо бўлган.
Эпидемия тарқалган Хитойда ўтган бир сутка ичида 24 кишида коронавирус аниқланган ва 22 киши вафот этган. Бутун эпидемия даври мобайнида мамлакатда 80 778 киши коронавирус билан касалланган ва 3158 киши вафот этган.
Мавзуга доир:
Изоҳ (0)