Сўнгги бир сутка давомида Хитойда қайд этилган COVID-19 коронавирус инфекциясининг 24 ҳолатидан 10 таси бошқа давлатдан юқтирилган, дея хабар бермоқда Хитой Соғлиқни сақлаш ишлари бўйича давлат комиссияси.
Қайд этилишича, Хитойда сўнгги бир сутка давомида аниқланган коронавирус инфекциясининг 24 та ҳолатидан 13 таси эпидемия ўчоғи бўлган Хубэй провинциясида, яна бири Хэйлунсзян провинциясида аниқланган. Қолган 10 та ҳолатда вирус четдан юқтириб келинган. Улардан 6 таси Пекинда, 2 таси Шанхайда, 1 таси Шалдун провинциясида ва яна бири Гансу провинциясида қайд этилган.
Сўнгги бир сутка давомида Хитойнинг 25 та ҳудудида бирорта ҳам коронавирусга чалинишнинг янги ҳолати аниқланмаган.
Аввалроқ Пекин ҳукумати шаҳар эпидемиологик хизмати COVID-19 юқтириб олишнинг 6 та янги ҳолатини аниқлаган, касалланганларнинг 5 нафари Италиядан, яна бири АҚШдан келган бўлган.
Сўнгги вақтларда Хитой, айниқса, Пекин ва Шанхай каби йирик шаҳарларда коронавирусни четда юқтириш ҳолатлари кўпайган. Коронавирус инфекцияси бўлган йўловчилар Италия ва Эрондан бир неча бор келган, шунингдек, Буюк Британия ва Испаниядан ҳам вирус келиши ҳолатлари кузатилган. Умумий ҳисобда Хитойда инфекцияни четдан юқтиришнинг 79 та ҳолати қайд этилган.
Хитой Соғлиқни сақлаш ишлари бўйича давлат комиссияси мутахассисларининг сўзларига кўра, вирус тарқалишининг олдини олиш учун чегараларда санитар назоратни кучайтириш ҳамда эпидемия тарқалган хорижий мамлакатлардан кириб келаётганлар учун қатъий карантин сиёсатини белгилаш зарур.
Изоҳ (0)