Хитойда COVID-19 коронавируси қурбонлари сони 8 март ҳолатига кўра 3119 кишига етди. Бу ҳақда Хитой Миллий соғлиқни сақлаш комиссияси ахборотида маълум қилинган.
Ўтган бир сутка давомида мамлакатда 40 та янги касалланиш ҳолати қайд этилган, 22 бемор эса вафот этган. Вафот этганларнинг 21 нафари Хубэй провинциясидан, яна бир бемор Гуандунда вафот этган.
Комиссия маълумотларига кўра, 1535 киши тузалиб, касалхонадан уйига жавоб берилган. Хитойда эпидемия бошлаганидан буён коронавирусга чалинганларнинг умумий сони 80 735 кишига етган. Жами 58,6 минг бемор тузалгани айтилмоқда.
Хитойнинг материкдан ташқари қисмида 169 та касалланиш ҳолати қайд этилган. Хусусан, Гонконгда 114 та (уч бемор вафот этган), Макаода 10 та (барча беморлар тузалиб, уйига жавоб берилган), Тайванда 45 та (бир бемор вафот этган).
Изоҳ (0)