Италиянинг Пьемонт вилояти ҳокими Альберто Чирио COVID-19 коронавирусини юқтириб олгани маълум қилинди. Бу ҳақда RAI News’да берилган баёнотга асосланиб «РБК» хабар тарқатди.
Чирионинг сўзларига кўра, унда касалликнинг асосий аломатлари намоён бўлмаган ва у ўзини яхши ҳис этмоқда. Ҳокимнинг коронавирус билан касаллангани Пьемонт ҳокимлигининг ишига салбий таъсир қилмаслиги қайд этилган.
Чирио ўз уйида рафиқаси ва икки нафар фарзанди билан биргаликда карантинга олинган. Ҳоким масофадан туриб вилоятни бошқаришда давом этади.
7 март, шанба куни, Италия Демократик партияси раҳбари Никола Зингаретти ҳам коронавирусга текширилганидан сўнг унинг натижалари ижобий бўлганини маълум қилганди. Сиёсатчи ҳам бир неча кун давомида уйида карантинга олиниши ва масофадан туриб ишлашини билдирган.
Мавзуга доир:
Коронавирус тарқалгани туфайли Италия бош вазири Жузеппе Конте 8 мартдан бошлаб мамлакатнинг шимолий провинциялари, жумладан, Ломбардияга кириш ва ундан чиқишни тақиқлаб қўйди. Тақиқ тахминан 3 апрелга қадар давом этиши мумкин.
Изоҳ (0)