Февраль ойида Ўзбекистонда жисмоний шахслар томонидан 514 миллион АҚШ доллари қийматидаги хорижий валюта сотиб олинган, бу январдаги кўрсаткичдан 23 фоизга кўпроқ, дейилади Марказий банк хабарида.
Хабарда қайд этилишича, хориждан ўтказилган пул ўтказмалари (валютанинг мамлакатга кириш асосий манбаларидан бири) миқдори февраль ойида 385 миллион АҚШ долларига тенг бўлган.
«Аҳоли томонидан хориждан кириб келган валютадан 1,3 бараварга кўп валюта сотилган», — дейилади Марказий банк ҳисоботида.
Ушбу вазият анчайин ноодатий, сабаби 2019 йил давомида пул ўтказмаларининг ҳажми аҳоли давлатга сотган валюта миқдоридан кўп бўлган.
Ўтган йилнинг июль ойида ушбу вазият энг юқори чўққига чиққан, ўтказмалар 650 миллион доллардан ошган, валюталар хариди эса 300 миллион долларни ташкил қилган:
Марказий банк ушбу ноодатий ҳолат сабабига изоҳ бермаган, экспертларнинг фикрича, вазият валюталарнинг қонуний бозор шароитида сотиш ва сотиб олиш йўлга қўйилганлиги билан боғлиқ, яъни одамлар аввал қанча сотган бўлса, ҳали ҳам шунча пулламоқда, бироқ энди валюта сотиш «қора бозор»да эмас, балки банклар орқали амалга оширилмоқда.
Яна бир сабаб сифатида беш ҳафтадан буён АҚШ долларининг арзонлашиб бораётгани бўлиши мумкин, валютанинг қадрсизланишидан чўчиган одамлар уни қимматлик вақтида сотишга уринган.
Мавзуга доир:
- Ўзбекистонда нақд доллар сотиб олишга рухсат берилгандан сўнг савдолар ҳажми 2 баробар ошди
- Мамаризо Нурмуротов Марказий банк ва Андижон вилояти ҳокимлиги ўртасида юзага келган зиддиятга изоҳ берди
- Марказий банк бошқаруви раиси Humo картасига ўтишга мажбурланаётган фуқаролар норозилигига муносабат билдирди
Ушбу ўзгаришлар мавсумга боғлиқ эмаслиги айтилмоқда, сабаби аҳоли харажатлари йил бошида эмас, балки сўнгида кескин кўпаяди.
Пул ўтказмалари ҳажмининг камайгани — йил бошида кузатиладиган одатий ҳолат. Лекин 2019 йил январь ойи ва 2020 йилнинг мос даври билан таққослаганда ўтказмалар қарийб 100 миллион долларга кўпайган, февралга бориб эса камая бошлаган.
Изоҳ (0)