Хитой экспорти коронавирус инфекцияси тарқалиши фонида 2020 йилнинг январь ва февраль ойларида 17,2 фоизга қисқарди, дея хабар бермоқда Хитой Божхона бош бошқармаси. Ҳисобот даврида экспорт ҳажми 292,45 миллиард долларни ташкил этган.
Бундан ташқари, мамлакатда импорт ҳажми ҳам 4 фоизга қисқариб, 299,5 миллиард долларни ташкил этган, савдо баланси салдоси салбий кўриниш олиб, 7,09 миллиард долларга етган. Бундан ташқари, январь—февралда Хитойнинг ташқи маҳсулот айланмаси 11 фоизга қисқариб, 591,9 миллиард долларни ташкил этган.
Хитойнинг бошқа давлатлар билан савдо муносабатларига, аввало, коронавирус инфекциясининг тарқалиши ва Ой тақвими бўйича Янги йил байрами таътилининг узайтирилгани салбий таъсир кўрсатди, дейилади божхона бошқармасининг бошқа ахборотида. Бошқарманинг қайд этишича, эпидемиолог вазиятнинг таъсири вақтинчалик бўлиб, ташқи савдодаги умумий ижобий тенденция ўзгаришсиз қолган.
Ўз навбатида, Financial Times’нинг эслатишича, январь ва февраль ойларида Хитойнинг савдо кўрсаткичлари мавсумий ўзига хосликлар сабаб, хусусан, Янги йил байрами муносабати билан корхоналар ишламаслиги ва ишлаб чиқариш қисқариши ортидан одатда ҳар йили ўзгарувчан бўлади.
Бироқ коронавирус инфекциясининг тарқалиши, мамлакатда карантин чоралари кўрилгани, шунингдек, ички ҳаракатланиш чеклангани ортидан, январь—февралдаги доимий салбий иқтисодий таъсирни яна-да чуқурлаштириб юборди.
Изоҳ (0)