Қадрли аёллар, Artel компанияси барчангизни баҳорнинг энг гўзал байрами – Халқаро аёллар куни билан самимий қутлайди. Сизга бахт-саодат, узоқ умр, хонадонингизга тинчлик-осойишталик, файзу барака тилайди. Баҳор кунларидек гуллаб яшнашингизни, юзингиздан эса табассум ҳеч қачон аримаслигини тилаб қолади.Аёлларимиз моҳирлигиАёлнинг сариштаси — рўзғорнинг фариштаси, деган нақл бор халқимизда. Бу нақл қисман рост, аммо бор ҳақиқат фақат шундан иборатми? Албатта, йўқ! Аёлларимиз ҳар томонлама гўзал. Латофат ва назокат, камтарлик ва софлик азиз аёлларимизда чуқур ақл-идрок, довюраклик ва қатъийлик, раҳнамолик фазилатлари билан уйғунлашган.
Аёлларимиз ҳар соҳада муваффақият қозона олади, десак ҳеч хато бўлмайди. Аёл киши ҳам меҳрибон она, ҳам истеъдодли олима, ҳам ғамхўр рафиқа, ҳам шоира, ҳам олимпик ғалабалар қозонувчи спортчи бўлишга қодир. Истеъдодли аёлларимиз асрлар давомида тарихда ўз изини қолдириб келган. Улар нафақат тараққиётга ўз ҳиссаларини қўшдилар, балки бутун дунёга аёл киши ҳар нарсага қодирлигини яққол кўрсатиб беришди.
Тўмарис, Увайсий, Ойдин, Зулфия, Нодира, Тамарахоним, Тўти Юсупова, Лутфихоним Саримсоқова – таниқли аёлларимизни санаб саноғига етиб бўлмайди.Уларнинг меҳнатлари халқимиз маданий бойлигига айланган. Оксана Чусовитинадан бошлаб Раҳбархон Хайдаровнагача, ўзбекистонлик аёлларимизнинг қолдирган меъроси барчамизни завқлантиради ва Ўзбекистон аёллари билан фахрланишга турткилайди.
Азиз аёллар, сиз ҳар томонлама гўзалсиз. Artel компанияси олдингизга қўйилган ҳар қандай вазифани мувафаққият билан амалга оширишингизга, энг баланд чўққиларни забт этишингизга, ҳар қандай соҳада юксак муваффақиятлар қозона олишингизга чин дилдан ишонади ва барча ишларингизга туганмас омад тилаб қолади.
Байрамингиз муборак бўлсин.
Изоҳ (0)