Qadrli ayollar, Artel kompaniyasi barchangizni bahorning eng go‘zal bayrami – Xalqaro ayollar kuni bilan samimiy qutlaydi. Sizga baxt-saodat, uzoq umr, xonadoningizga tinchlik-osoyishtalik, fayz-u baraka tilaydi. Bahor kunlaridek gullab yashnashingizni, yuzingizdan esa tabassum hech qachon arimasligini tilab qoladi.Ayollarimiz mohirligiAyolning sarishtasi — ro‘zg‘orning farishtasi, degan naql bor xalqimizda. Bu naql qisman rost, ammo bor haqiqat faqat shundan iboratmi? Albatta, yo‘q! Ayollarimiz har tomonlama go‘zal. Latofat va nazokat, kamtarlik va soflik aziz ayollarimizda chuqur aql-idrok, dovyuraklik va qat’iylik, rahnamolik fazilatlari bilan uyg‘unlashgan.
Ayollarimiz har sohada muvaffaqiyat qozona oladi, desak hech xato bo‘lmaydi. Ayol kishi ham mehribon ona, ham iste’dodli olima, ham g‘amxo‘r rafiqa, ham shoira, ham olimpik g‘alabalar qozonuvchi sportchi bo‘lishga qodir. Iste’dodli ayollarimiz asrlar davomida tarixda o‘z izini qoldirib kelgan. Ular nafaqat taraqqiyotga o‘z hissalarini qo‘shdilar, balki butun dunyoga ayol kishi har narsaga qodirligini yaqqol ko‘rsatib berishdi.
To‘maris, Uvaysiy, Oydin, Zulfiya, Nodira, Tamaraxonim, To‘ti Yusupova, Lutfixonim Sarimsoqova – taniqli ayollarimizni sanab sanog‘iga yetib bo‘lmaydi.Ularning mehnatlari xalqimiz madaniy boyligiga aylangan. Oksana Chusovitinadan boshlab Rahbarxon Xaydarovnagacha, o‘zbekistonlik ayollarimizning qoldirgan me’rosi barchamizni zavqlantiradi va O‘zbekiston ayollari bilan faxrlanishga turtkilaydi.
Aziz ayollar, siz har tomonlama go‘zalsiz. Artel kompaniyasi oldingizga qo‘yilgan har qanday vazifani muvafaqqiyat bilan amalga oshirishingizga, eng baland cho‘qqilarni zabt etishingizga, har qanday sohada yuksak muvaffaqiyatlar qozona olishingizga chin dildan ishonadi va barcha ishlaringizga tuganmas omad tilab qoladi.
Bayramingiz muborak bo‘lsin.
Izoh (0)