Ҳургаданинг ҳамюртларимиз учун қандай қизиқарли жиҳатлари бор?
Ҳургада Мисрдаги қизил денгиз соҳилидаги 26 провинциялардан бири — Қизил денгизнинг маъмурий маркази саналади. У ерда илк меҳмонхоналар 20 йиллар муқаддам қад ростлай бошлаган. Аввало айтиш мумкинки, ёзда оила аъзолари билан осуда, хавфсиз, ниҳоятда хушманзара, бир қатор экскурсиялардан таркиб топган ҳамда нарх борасида бирмунча қулай жойда дам олишни кўнглингизга тугиб қўйган бўлсангиз, айнан ушбу курорт сизга маъқул келиши аниқ.
Эски (Эл-Даҳар) ва янги (Саккала) марказлардан иборат шаҳардан бошланган меҳмонхоналар тармоқлари шимол ва жанубга қарийб 40 км масофага чўзилади. Унинг устунлик томонлари жуда кўп:
- йилнинг исталган фаслидаги қуруқ об-ҳаво. Намлик даражаси 30-40% дан ортмайди. Ёзнинг қоқ жазирамасида ҳам бу ерда соябон остида бемалол дам олиш мумкин;
Пляжларда қумдан юриб денгиз сувига тушиш имконияти. Мисрнинг аксарият курортларида денгизга тушиш олдидан коралл рифлари ёки улардан йўнилган ўтиш йўлакларига дуч келасиз. Бу эса болажонларнинг шикаст олиш эҳтимолини оширади. Айнан шу сабабли ҳам Ҳургада оилавий ҳордиқлар учун мукаммал манзил ҳисобланади.
Болалар билан бу ерда дам олишнинг афзалликларидан бири кўплаб меҳмонхона ҳамда ресторанларда ўйин хоналари ва махсус менюлар бор. Аксарият пляжларда қувноқ каруселлар, сувли сирпанчиқлар мавжуд. Ҳургададаги аквариумда балиқларнинг бой коллекциясини кўриш мумкин: масхарабоз балиқ, жарроҳ балиқ, мурена, денгиз отчаси, саккизоёқ, корал, денгиз юлдузи, актиния – жами 300 хилдан ортиқ жониворлар сузиб юришади
Деворлари ва шифтлари шаффоф бинолардан эса қайнаб турган ҳаёт тарзини томоша қилиш имконияти бор. Бунинг устига ҳақиқий шарқона муҳитни ҳис қилиш учун сайёҳларга «Минг бир кеча» қасрига бориб кечки томошанинг гувоҳи бўлиш тавсия этилади. Бундай дастурни кўрган ҳар қандай меҳмон ўзини шайхларнинг қасридаги қадимий асрлар силсиласига тушиб қолгандек сезади.
All inclusive тизимида, яъни барча хизматларни тақдим этувчи беш ва тўрт юлдузли меҳмонхоналар, болалар учун аквапарклар, маҳоратли аниматорларнинг чиқишларидан иборат кечки шоу-дастурлари, оилавий ҳордиқ чиқаришга мўлжалланган, ривожланган инфратузилма, бошқа курортларга нисбатан кўпроқ экскурсиялар.
Ҳургадада сайёҳларга таклиф этиладиган экскурсия дастурлари турлича. Кун бўйи тарихий қадамжолар: шимолда жойлашган Қоҳира шаҳридаги пирамидалар ёки жанубдаги Луксорнинг канакском, ибодатхоналари, Шоҳлар водийсида сайр қилиш мумкин. Дунёга донғи кетган пирамидалар, сфинксларнинг сеҳрли, ажабтовур олами курорт яқинида жойлашгани сизни бот-бот у ерга бориб келишга ундайди.
Фаол ҳордиқни хуш кўрувчиларга эса дайвинг, серфинг, квадрацикллардаги пойгалар, спортнинг сувмотор турлари таклиф этилади. Коралл ороллари бўйлаб саёҳат қилиш, махсус сувости қайиқларида шўнғиш мумкин.
Ҳургаданинг Эл Гуна, Макади, Соама, Сафага каби курорт ҳудудлари мавжуд. Уларнинг ҳар бири ўзгача манзара ҳамда қулайликлар, кўнгилхушликларни тақдим қилади.
Ҳургадада қизиқарли сувенирлар, сифатли чарм маҳсулотлари, хонадон интерерига керакли ёқимли буюмлар ёки замонавий услубдаги кийим-кечаклар харид қилиш мумкин бўлган улкан миқдордаги жойлар бор. Вақтингиз ва пулингизни сарфламаслик учун уларнинг энг машҳур ҳамда ҳамёнбопларини билиб олганингиз маъқул. Senzo Mall, Sheraton, Levis, Jackie B, Pharaoh, Hurghada Marina Boulevard, El-Baraka, El-Mamsha, Ҳургада бозори каби савдо марказларида кенг турдаги маҳсулотлар, буюмларни сотиб олиш мумкин.
Биргина машҳур Senzo Mall савдо марказининг ўзида дунёга машҳур брендларнинг бир қанчаси: Waikiki, Mango, Carina, Roxy, Clue, Quiz, Terranova ва бошқалар томонидан оилангизнинг барча вакиллари учун энг арзон ҳамда ҳамёнбоп кенг турдаги буюмлар таклиф этилади.
Оилавий тарзда хотиржам, унутилмас ҳордиқ олишни истаган ўзбекистонлик сайёҳлар учун Ҳургада ҳақиқий топилмага айланишини тахмин қилиш мумкин.
Изоҳ (0)