Ташриф чоғида меҳнат шароитлари, хавфсизлик мезонлари ҳамда ишчиларнинг фикр-мулоҳазалари баҳоланди.
Ўзбекистон касаба уюшмалари федерацияси кенгаши кадрларни ўқитиш доирасида Ўзбекистондаги йирик саноат корхоналарини мониторинг қилишни бошлади. «Ўзбекистон касаба уюшмалари федерацияси ўқув маркази» НТМдаги Тошкент шаҳри ва Тошкент вилояти касаба уюшмалари ташкилотлари учун малакали таълим жараёнлари IMZO заводига ташриф билан бошланди — 23 кишилик делегация завод тарихи ва техника хавфсизлиги билан танишди, шунингдек, корхона фаолиятини ва ишлаб чиқарилаётган маҳсулотларни ўрганди. Мониторингнинг биринчи босқичида IMZO заводига энг юқори баҳолар берилди.
«Ушбу корхонада ҳақиқатан ҳам ходимлар учун яратилган шароитларни кўриб туриш биз учун жуда қувонарли. Меҳнат муҳофазаси бўйича дарслар ўтказилиши учун алоҳида зал ажратилган, ишлаб чиқариш дарслари ўтказилмоқда. Меҳнат муҳофазаси хизмати яхши фаолият кўрсатмоқда – уларнинг кабинети қандай ташкиллаштирилганига гувоҳ бўлдик, ходимларга махсус кийим, махсус оёқ кийим, шахсий ҳимоя воситалари тақдим этилар экан. Биз IMZO’да ходимлар учун яратилган айнан мана шу шароитлар Ўзбекистон Республикасидаги барча корхоналар бўйлаб тарқалишини жуда ҳам истаган бўлардик. Биз буларни ўзлаштиришимиз ва барчага улашишимиз лозим», – дейди Касаба уюшмалари бирлашмаси шаҳар кенгаши меҳнат муҳофазаси бўлими бошлиғи Равшан Махамадалиев.
Касаба уюшмалари ташкилотлари ва меҳнат муҳофазаси вакиллари IMZO заводида ходимларга икки маҳал овқат берилиши (тушлик ва тушликдан кейинги овқат)ни, барча ишчиларнинг техника хавфсизлиги қоидаларига риоя қилишини, уларнинг иш жойида кўрсатмалар ва меҳнат муҳофазаси бўйича журналлар билан таъминланганини ҳам ижобий баҳоладилар. Корхона ҳудуди санитария нормаларига мос, кўкаламзорлаштирилган ва озода, ишлаб чиқариш эса замонавий автоматлаштирилган ускуналар билан жиҳозланган.
Ўзбекистон касаба уюшмалари федерацияси аппаратининг Меҳнатни муҳофаза қилиш бошқармаси бошлиғи Нодира Каримованинг айтишича, улар бир вақтнинг ўзида барча жиҳатларни баҳолайдилар: меҳнат шароитлари, ҳарорат режими, микроиқлим, техник ҳужжатлар, меҳнат гигиенаси, меҳнат муҳофазаси ва техника хавфсизлиги кабинетларининг ахборот стендлари ва плакатлари билан таъминланганлигини ҳам.
«Биринчи навбатда, ташқи ҳолат кузатилади. Ишчилар билан гаплашамиз – улар розими, уларнинг ҳуқуқлари таъминланяптими, улар учун қандай шароитлар яратилган. Биринчи таассуротимиз – ишчилар заводга бажонидил боришмоқда. Корхонанинг ўзи чиройли, шинам, овқатланиш яхши – биз меҳнат муҳофазаси бўйича мутахассис сифатида ижтимоий масалаларга ҳам диққатимизни қаратамиз: иш берувчи ишчилар билан қандай муносабатда бўлишига, улар қандай ўзаро муносабатда бўлишига. Кўриб турибманки, барча қонуний талаблар амалга оширилмоқда, ҳар бир корхона мустақил тарзда белгилайдиган имтиёз нормалари ортиғи билан тақдим этилмоқда. Менда жуда ижобий таассуротлар пайдо бўлди – бу ерда ҳамма ҳайрихоҳ, янги технологиялар жорий қилинган, декор мавжуд. Энг асосийси эса барчаси Ўзбекистонда ишлаб чиқарилмоқда, маҳсулотларни маҳаллийлаштириш, янги иш ўринлари бу — IMZO заводи учун катта плюс», — деди Нодира Каримова.
Ўқиш сўнгида Тошкент шаҳри ва Тошкент вилояти касаба уюшмаларининг биринчи гуруҳи «Ўзбекистон касаба уюшмалари федерацияси ўқув маркази» НТМда «Муносиб иш асослари»га оид 40 соатлик таълим бўйича тест синовларидан ўтди. AKFA Group’нинг Меҳнат муҳофазаси, техника хавфсизлиги ва атроф-муҳитни ҳимоя қилиш бўлими маслаҳатчиси Нафиса Тўрабова меҳнат муҳофазаси бўйича юқори касбий малакасини ва бажарадиган ишининг бекам-у кўст эканлигини тасдиқловчи сертификатни қўлга киритди.
Реклама ҳуқуқи асосида.
Изоҳ (0)