Ижтимоий тармоқларда Spark автомобили катта тезликда орқамача ҳаракатланиб кетаётгани акс этган видеоёзув тарқалди. Бунёдкор шоҳ кўчасининг Чилонзор туманидан, «Чилонзор» метро бекати олдидан ўтган кўприкли қисмида юз берган воқеа гувоҳларининг сўзларига кўра, Spark ҳайдовчиси шу йўсинда йўл-патруль хизмати ходимларидан қочган.
Бахтга қарши, қочоқ ҳайдовчининг ушбу хавфли юриши охир-оқибат барибир ўзига қимматга тушган — орқамача юриб, Чилонзор тумани ҳокимлиги олдидан ўтиб кетаётганида, Меҳр кўчасидан чиқиб келган Matiz автомобилига бориб урилган. Энди Spark ҳайдовчиси нафақат қоидабузарлиги учун, балки ички ишлар органи ходимларининг кўрсатмаларига бўйсунмагани учун ҳам жарима тўлайди (омади келса), қўшимчасига Matiz’ни пачоқ қилгани учун товон ҳам тўлаши керак (ўзининг Spark’ини қўя турайлик).
Ушбу ҳодиса юзасидан Тошкент шаҳар ИИББ расмий ахборот берганича йўқ.
Изоҳ (0)