Turkiya hukumati Gretsiya bilan chegara hududiga mingta politsiya maxsus guruhi jangchilarini Gretsiyadagi qochoqlarning qaytishiga to‘sqinlik qilish uchun yuboradi. Bu haqda Turkiya IIV rahbari Sulaymon So‘yluga assoslanib, “Kommersant” xabar qilgan.
Avval Suriyaning Idlib viloyatidagi vaziyat sabab Turkiyaning Yevropa ittifoqi bilan chegarani ochib yuborgani ma’lum qilingan.
“Gretsiya hukumati 164 nafar odamni yarador qildi. Ular biz tomonga 4,9 ming nafar odamni o‘tkazib yubormoqchi bo‘ldi. Biz chegara hududiga politsiya maxsus bo‘linmasining 1000 nafar xodimini yuboramiz va ushbu qaytishning amalga oshmasligini ta’minlashga harakat qilamiz”,— degan Turkiya IIV rahbari.
Avstriyaning Gretsiyadan kelayotgan muhojirlar oqimini ushlab turish uchun Gretsiya bilan chegara hududiga chegara politsiyachilarini yuborishi ma’lum bo‘lgan.
“Biz tashqi chegarada odamlarni to‘xtatib qolishga harakat qilishimiz kerak”,— degandi Avstriya ichki ishlar vaziri Karl Nexammer.
Turkiya YeI bilan chegarani Suriyaning Idlib viloyatidagi vaziyat sabab ochib qo‘ygan. 27-fevralda Idlibda Suriya hukumat qo‘shinlarining hujumi oqibatida 30 nafar turk harbiysi halok bo‘lgan. Rossiya mudofaa vazirligining taxminiga ko‘ra, turk harbiylari terrorchilar orasida bo‘lgan. Anqara sodir bo‘lgan voqeadan keyin “Bahor qalqoni” operatsiyasini boshladi. Turkiya mudofaa vazirligining ma’lum qilishicha, operatsiya boshlanganidan beri 3 ming suriyalik harbiy yo‘q qilingan.
5-mart kuni Moskvada Rossiya prezidenti Vladimir Putin hamda Turkiya davlat rahbari Rajab Toyyib Erdo‘g‘on o‘rtasida vaziyat muhokamasiga bag‘ishlangan muzokaralar o‘tkazilgan.
Izoh (0)