Гўштни узлуксиз етказиб бериш, озиқ-овқат базаси ва саноатини ривожлантириш маълум вақт талаб қилади. Бу ҳақда Марказий банкка таяниб, Spot хабар берди.
Регулятор гўшт ва гўшт маҳсулотларига бўлган талабнинг сезиларли ўсишига нисбатан таклиф ҳажмининг ноадекват ўсишини пайқади. Бу эса нархларга маълум маънода босим бўлади.
«Беларусь, Украина, Қозоғистон, Қирғизистон каби давлатлардан гўштнинг етарли даражада импорт қилинмаслиги, шунингдек, импорт қилинаётган гўшт нархининг ошиши яқин вақтлар ичида нархларга таъсир қилиши мумкин», — дейилади хабарда.
2019 йили Ўзбекистонда гўшт нархи энг кўп қимматлашган маҳсулотлардан бирига айланди — 23,4 фоиз. Бунинг асосий сабаблари — чорва учун озуқа нархининг юқорилиги, ишлаб чиқариш базасининг ривожланмаганлиги, чорвачиликни ривожлантириш дастурлари доирасида чорва молларига талабнинг ошиши ва ресторан бизнесида овқатланиш соҳасининг сезиларли даражада кенгайиши.
Марказий банк қўшни давлатлардан тирик чорва молларининг импорти ошгани гўшт нархининг сезиларли даражада қимматлашини ушлаб қолганини таъкидлаган. Эслатиб ўтамиз, 2019 йил июнь ойида Қозоғистон мамлакатдан йирик қорамол олиб кетилишини тақиқлашга қарор қилганди. Бунга уларнинг Ўзбекистонга катта миқдорда етказилгани сабаб бўлган. Август ойига келиб Қозоғистон Ўзбекистонга йирик шохли чорва сотишни тақиқлаш режасидан қисман воз кечди.
Январь ойида гўшт нархларида кескин ўсиш кузатилмади. Таъкидланишича, Қозоғистондаги тақиқ ҳеч қандай тақчилликка олиб келмаган, аммо бир ой хулоса қилиш учун жуда қисқа муддат ҳисобланади.
Изоҳ (0)